هندستى
زى المدرسة
بنين و عسكرية
كأنى بالظبط لسه فى الثانوية
اه بجد
هندستى مدرسة
حضور و غياب
واجبات و متابعة
بروح كل يوم من سبعة
ولحد العصر
و ايام مشروع بقعد لليل
يا ريتها كمان زى الثانوية
هندستى
مفيهاش بنات
و لا حب فى كشكول
ولا فى محاضرات
ولا اى صحوبية
و لا الشوارع مليانة شجر
تحتهم كل اتنين او حتى مكتوب للذكرى
انا مش بقول زى تجارة ولا اداب
ده حتى لسه مش جامعة
هندستى
ولا عجب
هندسة طيران
وانا معمارى
دى حقيقة وجد
مش فى خيالى
اسمها طيران و انا معمارى
مفرقش عن اى معمارى
هندستى كانت بالمسطرة ام حرف تى
و المثلث و القلم
هندستى لسه زى القديم
بس كنت مبسوط كده
و عارف ان تخرجى كان تخرج للمساطر
و هخرج ارسم بالماوس و الذكرى تبقى للمثلث
هندستى كانت دفعة اولى للعمارة
مفيش قبلنا معماريين
كنا اول المتخرجين
كان نفسى نبقى و احنا يا دوب 14
نخرج منها مش زى ما دخلنا
يعنى عارفين العمارة
شاطرين
و كمان اهم
نبقى واحد
بس و احنا على بابها لسه
كانت الطرق بعدتنا
---------------------------------
بمناسبة تخرجى من هندسة طيران قسم العمارة باذن الله
و بالمناسبة احنا دفعتى 14 فعلا و اول دفعة و احقاقا للحق واحدة من ال14 بنت هى الوحيدة و قيس نفس النسبة على باقى الاقسام ممكن يبقوا 150 فيهم 6 او 7 بنات
5 comments:
momken yb2a kol 2lly 2nt 2olto sa7e7
2na bast3'rab 2na 2zay 3reft 2a23od fe 2l makan da kol 2l fatra de wlahy bat3ageb (mo2men farahat)
مبروك يا محمد
كفارة يا بشمهندس
ربنا يكرمك و يرزقك ويراضيك دنيا وآخرة إن شاء الله
أنا همشي رجلي شوية في المدونة بتاعتك،بقالي كتير أوي ما غيرتش جو وقريتلك إبداعاتك
تحياتي
مبروك يا بشمهندس وصدقنى مش انت لوحدك الى فى مدرسه لسه
ليس كل ما يتمناه المرء يجده , انا كنت برده فى مدرسة , ألسن عين شمس , سكاشن والدكاترة عارفين اسامينا و الناس بتجاهد علشان تقعد الاول , وهما اصلا فى الكلاس كلهم على بعضهم اربع بنجات , وعالم بتدح , وغياب وحضور ومواويل , بس كنت بموت فيها
لولولولولولولولولولولولولولوليييييييييييييييييييييييييييييييييييييييييييييييييييييي
مبروووووووووووووووووووووك يا محمد الف الف مبروك يارب عقبال اللي في بالي
اسفه بجد لاني بقالي فترة مدخلتش
اراك لاحقا يا بشمهندس
بيروو
Post a Comment