اول ديوان

اغيب كثيرا عن المدونة لكني فى ظروف قوية تستمر لمدة فادعوا لي

و لكن هناك خبر سعيد لي و اتمنى ان يسعدكم و هو

صدور اول ديوان لي بعنوان اول مظاهرة مع دار فكرة فى معرض الكتاب القادم باذن الله

وهو ديوان عامية و به كثير من القصائد لم تنشر هنا

قولوا ياااااااارب

جناه

سُحقا لتقدم هذا العصر

ما يحدث في أي مكان

تعرفه في ذات الآن

تجلس مرتاحا بالمنزل

تشهد مباراة أو فيلما

أو تجلس لتُحدث أشخاصا

فيجيء الخبر بكل مكان

عن ارض تضرب بالنار

فتشاهد ما يحدث في الحين

نأكل

و هم جوعا

نشرب

و هم عطشى

نعيش

و هم قتلى

لكنك لست سوى رائي

لن تترك منزلك الآوي

فقط

ستتعجب

تغضب

تتكلم

تسكت

تدعو

ربما تبكي

ثم تعود حياتك

تعود لرؤية مباراتك

فيلمك

تتحدث مع أصحابك

ربما تتناقش في الموضوع

لكن حوارك الأصلي

سيكون عن لقاء

فيلم

مباراة

أو مشكلتك

التي ربما توقف حياتك

و التي ستراها اكبر مشكلة

ستحاول جديا إيجاد الحل

فهي لشخصك

هذا طبعك

أن تنظر فقط لنفسك

لا تفعل من اجل الآخر

لا تفعل دون مقابل

لن تفعل حتى لأخيك

ربما تمارس حياتك

تنسى ما يحدث

أو تؤلم داخل نفسك

لكنك لا شئ

لا تفعل

فقط

تدعي

تتمنى

ترجو

أقصاك

ستنزل

تتظاهر

تشجب

ترفض

لن يجدي شيئا

تتمنى الفعل الايجابي

لا تقدر

ترغب

و لا تفعل

تنتظر قرار الحكام

لن يحدث

تتمنى لو صرنا جنودا

تجد شبابا لن يتأخر

لكن لن يُبنى جيشا

ربما

تتمنى لو انك لم تعرف

حتى لا يُشغل همك

يكفيك هَم

إيجاد عملك

شقة

زوجة

تفاصيل أخرى

الآن

لا تُثني نفسك

تعترف بأنك مُخطئ

و انك سلبي

مشارك

في كل ما يحدث

فاصدق مع نفسك

زهرة بحر

كتبت هذه القصيدة منذ سنوات و عثرت عليها بينما ابحث فى كتاباتي و لم اكن نشرتها لذا ها هي الان ربما تروق للبعض..

عن غيابي للمدونة فلا اخفي سرا اني اكتب كثيرا و انشر قليلا هنا و ذلك طمعا فى نشر ديوان فى كتاب فسامحوني وادعو لي بالنشر...

------------

في زرقة سماء صافية..

فى جو ذات نسيم عطر..

تثور أمواج بحر..

أمواج بحر قلبي..

لتصطدم..

لتصطدم بصخورك..

فتعود خائبة..

قلبك الحجر حائلا..

يصد أمواجى..

لتزيد دموعى فى بحري..

لتثير اكثر أمواجي..

لتغيب الشمس بداخلي..

تصير بلونها البرتقالي..

فيسيطر على السماء..

وتزداد الأمواج ..

وتتوالى ..

تندفع الى صخورك..

تحاول تحطيمها..

لتصل لك..

تستمر ..

تعود كل يوم ..

الى أن أجدك ..

ذات يوم..

زهرة..

تملأ بحري..

تنضر بداخله..

عيوني حايرة

عيونى حايرة
في كل حفلة
مناسبة حلوة
ادور عليكي
نظرة لعنيكي
تضم روحي
الاقى نفسي
بحب نفسي
لانى فيكي
و الحفلة تبقي بطعم تانى
و شكل تاني
كل كلام الحب فيها يبقى ليكي
و انا بين ايديكي
سمايا تلمع بالنجوم
يا شمس عمري
يا ريتنى ضلك
يا ريتنى اضمك
و انا اكون كأنى حضنت الكون
مهو شئ بسيط جواكى منك

ب ح ب ك

بحبك
بحبك كلمة مش سهلة
معرفتش اقولها غير ليكي
و معاكي بس حسيتها
و حبيتك
و الدنيا معاكي حبيتها
و اغنيلك بصوت منير
تغنيلي بصوت فيروز
و اكون الكلمة فى لسانك
تكوني المعنى فى قلبي
و اكون ليكي كتاب معشوق
تكونيلي قصيدة شعري
و اكون البحر يرويكي
تكوني الشط مرسايا
و اكون ليكي انا وردة
تكونيلي البستان مزروع
و اكون جنايني راويكي
تكونيلي السكن جنة
و اكون فارس فى احلامك
تكوني الشمس فى نهاري
و الاقي الصفو فى عيونك
تلاقي الهدى فى عيوني
و الاقى الحضن فى ايديكي
تكونى الدنيا فى ايديا

العيد

العيد
بيجي من غير عيد
و العيد
بعيد
و العيد
فى قلبي
و بفرحة كبيرة
و مستنيه يكون قريب
معانا
سعيد

بحب واحدة مشوفتهاش!!

هو انااااا.. ينفع اقول بحب واحدة مشفتهاش؟؟

او

شفتها

بصوتها وكلامها لمستها

و عرفتها

مش بالنظر

باحساسى ..قلبي

و قلبي طيب يعرف بجد الطيبين

و يعرفك من وسط الف

بنظرة بس للعينين

حتى لو كان الجسد اكتمال للمعرفة

لكنه ابدا مش اساس

لان العلاقة توافق روح

حتى لو كان اللقى مش مرتاح

عمر اللى كان كله ما هيروح

حتى النظرة الايجابية

بتقول انى عرفت الباطن قبل الظاهر

والظاهر ممكن يخفي

اما الباطن فملوش الدور غير متخفي

و انا شفته

وان كنت بسأل

هى العلاقة روح ام جسد؟

مقدرش انكر الاتنين

بس الروحين بتتوحد وتبقى فى جسدين

اما الجسدين لا يمكن يبقوا جسد واحد فى روحين

و لسه برضه هتسأل

ازاى

تحب واحدة

مشوفتهاش؟؟

عدت سنين ملضومين
معرفتش فيهم مين انا
خدنى الطريق ولا الرفيق
ولا انا كنت ماشى سايبها كده
وقفت تايه فين سكتى ؟
طب كنت عايز ايه فى دنيتى؟
بفكر و ادور عايز ايه
بنفض ترابى
يمكن الاقى
حلمى تحتى
مدفون
بفعل فاعل
مين؟
مجهول

هندستى

هندستى
زى المدرسة
بنين و عسكرية
كأنى بالظبط لسه فى الثانوية
اه بجد
هندستى مدرسة
حضور و غياب
واجبات و متابعة
بروح كل يوم من سبعة
ولحد العصر
و ايام مشروع بقعد لليل
يا ريتها كمان زى الثانوية

هندستى
مفيهاش بنات
و لا حب فى كشكول
ولا فى محاضرات
ولا اى صحوبية
و لا الشوارع مليانة شجر
تحتهم كل اتنين او حتى مكتوب للذكرى
انا مش بقول زى تجارة ولا اداب
ده حتى لسه مش جامعة

هندستى
ولا عجب
هندسة طيران
وانا معمارى
دى حقيقة وجد
مش فى خيالى
اسمها طيران و انا معمارى
مفرقش عن اى معمارى

هندستى كانت بالمسطرة ام حرف تى
و المثلث و القلم
هندستى لسه زى القديم
بس كنت مبسوط كده
و عارف ان تخرجى كان تخرج للمساطر
و هخرج ارسم بالماوس و الذكرى تبقى للمثلث

هندستى كانت دفعة اولى للعمارة
مفيش قبلنا معماريين
كنا اول المتخرجين
كان نفسى نبقى و احنا يا دوب 14
نخرج منها مش زى ما دخلنا
يعنى عارفين العمارة
شاطرين
و كمان اهم
نبقى واحد
بس و احنا على بابها لسه
كانت الطرق بعدتنا

---------------------------------
بمناسبة تخرجى من هندسة طيران قسم العمارة باذن الله
و بالمناسبة احنا دفعتى 14 فعلا و اول دفعة و احقاقا للحق واحدة من ال14 بنت هى الوحيدة و قيس نفس النسبة على باقى الاقسام ممكن يبقوا 150 فيهم 6 او 7 بنات

بقول لنفسى

و بقول لنفسى فين خواطرك ؟
تقول بدور لاجل خاطرك
لو حتى كلمة تضيف لسطرك
لكنى ضايع منى الكلام

و بقول لنفسى فين حبك؟
تقولى
بس انت لاقى اللى تحبك
و الحب فيك موجود اوى
بس ملاقاش اللى ينوله
و انا عارف ان نفسى نفسها تقول
بحبك

و بقول لنفسى هو انتى فين اصلا ؟
تقولى زيك مش لاقيك
تقولى بدور عليك !!

لسه بتمنى

طيب بما ان فى غضب على البوست اللى فات لدرجة ان كل اللى زاروه معلقوش و لو لوحش حتى فادى بوست جديد و لو وحش قولوا

و انا لسه بتمنى
بسمع كلام كتير ملوش معنى
بيقولوا الحب هيجيلك
بلاش تدوير على حبيبك
نصيبك هيجي بين ايدك

و انا لسه بتمنى
بسمع كلام كتير ملوش معنى
بيقولوا بلاش تكتب سياسى
لا تقول ده ظالم ولا ناسي
يا ريت كمان اكتم احساسى
و مندفعش كده بحماسى

و انا لسه بتمنى
بسمع كلام كتير ملوش معنى
بيقولوا ايه فايدة هواياتك
خليك فى شغلك
بالفلوس هتكون ذاتك
و انا لسه بتمنى

سيناريو

جوه السكات
بصرخ
جوه حيطان معزولة
الناس تصرخ

و برة عاملين طرش
و الناس جميلة و عادية
لا هما فى سجون
ولا حتى ليهم صوت
و اهم عايشين
مين اللى قال اموات
حد عنده اعتراض

ولا حد اتكلم
ولا اشتكى
ده حتى من كتر الفرح
الناس نسيت البكا

فيه مظاهرات ؟؟!!
دى قلة مندسة
بتثير فى اشاعات
البلد رايقة و جميلة فى سلام
بطلوا بقى تعيدوا السيناريو